Image link to version of this page in English

ᑮᓇᐅᔭᑎᒍᑦ ᐃᑲᔫᓯᐊᖅᑖᕈᒪᓂᐊᕐᓗᓂ ᒪᓕᒃᑕᒃᓴᑦ

ᑐᓂᕐᕈᑏᑦ ᒥᑭᔪᓄᑦ ᓇᖕᒥᓂᕆᔭᐅᔪᓄᑦ ᐊᑐᖅᑕᐅᖃᑦᑕᖅᑐᖅ ᐃᓄᐃᑦ ᒥᑭᔪᓪᓗ ᓇᖕᒥᓂᕆᔭᐅᔪᑦ ᑭᕙᓪᓕᕐᒥ ᑮᓇᐅᔭᑎᒍᑦ ᐃᑲᔪᖅᑕᐅᔪᓐᓇᖁᑉᓗᒋᑦ ᑐᓂᕐᕈᓯᐊᒃᑯᑦ. ᑐᓂᕐᕈᑏᑦ, ᐅᑎᖅᑎᑕᐅᔭᕆᐊᖃᙱᒥᐊᖅᑐᑦ, ᑐᓂᕐᕈᑕᐅᓲᑦ ᐃᓄᖕᓄᑦ ᐊᒻᒪᓗ ᒥᑭᔪᓄᑦ ᓇᖕᒥᓂᕆᔭᐅᔪᓄᑦ ᐱᓕᕆᔪᓄᑦ ᓴᙱᓂᖅᓴᒃᑯᑦ ᑮᓇᐅᔾᔭᒃᓴᕈᑎᑖᖅᐸᓪᓕᐊᔪᓐᓇᖁᑉᓗᒋᑦ. ᐱᓕᕆᐊᖑᔪᑦ ᐊᖏᖅᑕᐅᖃᑦᑕᕐᓂᐊᖅᑐᑦ ᑐᓂᕐᕈᓯᐊᒃᑯᑦ ᖁᕝᕙᖅᑎᕆᕙᒃᑐᓄᑦ ᓄᓇᓕᖕᓂ ᐱᕙᓪᓕᐊᑎᑦᑎᔪᒪᓂᕐᒧᑦ, ᓇᖕᒥᓂᕆᔭᐅᔪᓂᒡᓗ ᐱᕈᖅᑎᑦᑎᕙᓪᓕᐊᔪᒪᔪᓄᑦ, ᐃᓕᓐᓂᐊᕐᓂᒃᑯᑦ, ᓴᓇᕝᕕᒃᓴᕐᓂᒡᓗ ᐃᓚᕙᓪᓕᐊᑎᑦᑎᔪᒪᔪᓄᑦ ᐊᒻᒪᓗ ᑮᓇᐅᔭᓕᐅᖅᑎᑦᑎᔪᒪᔪᓄᑦ ᐅᔾᔨᕈᓱᓕᖅᑎᑦᑎᔪᒪᔪᓄᑦ ᑭᕙᓪᓕᕐᒥ ᑮᓇᐅᔾᔭᒃᓴᕈᑕᐅᔪᓐᓇᖅᑐᓂᒃ.

ᑐᓂᕐᕈᑏᑦ ᒥᑭᔪᓄᑦ ᓇᖕᒥᓂᕆᔭᐅᔪᓄᑦ, ᐊᐅᓚᑕᐅᖅᑳᓚᐅᖅᑐᖅ ᑭᕙᓪᓕᕐᒥ ᐱᕙᓪᓕᐊᑎᑦᑎᓂᕐᒧᑦ ᑲᒪᔨᒃᑯᓐᓄᑦ, ᑐᓂᓯᖃᑦᑕᕐᓂᐊᖅᑐᖅ ᑐᓂᕐᕈᓯᐊᓂᒃ ᐃᓄᖕᓄᑦ ᐊᒻᒪᓗ ᒥᑭᔪᓄᑦ ᓇᖕᒥᓂᕆᔭᐅᔪᓄᑦ, ᓄᓇᒥᓗ ᐊᖑᓇᓱᒃᑎᓄᑦ ᐊᒻᒪᓗ ᑎᑎᕋᐅᔭᖅᑎᓄᑦ ᓴᓇᙳᐊᖅᑎᓄᑦ ᐱᒋᐊᕈᑕᐅᔪᓐᓇᖁᑉᓗᒋᑦ ᓂᐅᕕᕈᓐᓇᕐᓂᕐᒧᑦ ᓴᓇᕐᕈᑎᓂᒃ ᐱᖁᑎᓂᒡᓗ ᐱᓕᕆᐊᒥᓂᒃ ᐱᕙᓪᓕᐊᑎᑦᑎᒃᑲᓐᓂᕈᒪᓂᕐᒧᑦ ᓇᖕᒥᓂᖁᑎᒥᓂᒃ ᐊᒻᒪᓗ ᐃᓚᐅᖃᑕᐅᔪᓐᓇᖁᑉᓗᒋᑦ ᐃᓕᓐᓂᐊᕈᑎᒃᓴᓄᑦ.

ᑐᓂᕐᕈᑏᑦ ᒥᑭᔪᓄᑦ ᓇᖕᒥᓂᕆᔭᐅᔪᓄᑦ ᑐᓂᓯᓂᖃᓲᑦ $5,000.00-ᒥᒃ ᐊᑐᓂ ᑐᒃᓯᕋᖅᑐᓄᑦ/ᐃᓄᖕᓄᑦ/ ᓇᖕᒥᓂᕆᔭᐅᔪᓄᑦ. ᑐᓂᔭᐅᔪᖅ ᑐᓂᓯᔭᕆᐊᖃᕋᔭᖅᑐᖅ ᓇᓗᓇᐃᔭᐅᑎᒥᒃ ᖃᓄᖅ ᑮᓇᐅᔭᓂᒃ ᐊᑐᓚᐅᕐᒪᖔᕐᒥ.

ᐱᑎᑕᐅᔪᓐᓇᖅᑐᑦ

ᐱᑎᑕᐅᔪᓐᓇᖅᑐᑦ ᑭᒡᓕᖃᖅᑎᑕᐅᔪᑦ ᐃᓄᖕᓄᑦ ᐊᑎᓕᐅᖅᑕᐅᖃᑕᐅᓯᒪᔪᓄᑦ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᓕᐊᒃᑯᑦ ᑭᕙᓪᓕᕐᒥ ᓄᓇᖃᖅᑐᓄᑦ ᐊᒻᒪᓗ ᐃᓄᖕᓄᑦ ᓇᖕᒥᓂᖁᑎᒋᔭᐅᔪᓄᑦ ᑭᕙᓪᓕᕐᒥ.

ᐃᓄᒃ ᐅᕝᕙᓘᓐᓃᑦ ᓇᖕᒥᓂᖁᑎᒋᔭᐅᔪᖅ ᐆᒃᑐᖅᑐᖅ ᑐᓂᕐᕈᓯᐊᕐᒥᒃ ᑐᓂᓯᓯᒪᔭᕆᐊᓕᒃ 10%-ᒥᒃ ᑲᑎᖦᖢᒍ ᓂᐅᕕᕈᑕᐅᔪᒥᒃ.

ᑮᓇᐅᔭᑦ ᐊᑐᐃᓐᓇᐅᑐᐊᖅᐸᑕ, ᐱᐊᓂᒃᓯᓯᒪᓗᓂ ᐱᓕᕆᐊᕆᓵᖅᑕᒥᓂᒃ ᐊᒻᒪᓗ ᑐᓂᓯᓯᒪᓗᓂ ᑮᓇᐅᔭᓕᕆᔾᔪᑕᐅᓯᒪᔪᓂᒃ ᐱᓕᕆᐊᕆᓵᖅᑕᒥᒍᑦ, ᐃᑲᔪᖅᑕᐅᔪᖅ ᐊᓯᖏᓐᓄᑦ ᑮᓇᐅᔭᖅᑖᕋᓱᒍᓐᓇᕋᔭᕐᒥᔪᖅ ᐊᓯᖏᓐᓄᑦ ᐱᓕᕆᐊᕆᔭᒥᒍᑦ ᓯᕗᓂᒃᓴᒥ ᐅᑭᐅᕆᔭᐅᓂᐊᖅᑐᓂᒃ.

ᒪᓕᒃᑕᒃᓴᐃᑦ ᐆᒃᑐᖅᑐᓄᑦ: ᑮᓇᐅᔭᑎᒍᑦ ᐃᑲᔫᓯᐊᖅᑖᕈᒪᓂᕐᒧᑦ ᑕᑕᑎᕈᑎ

ᑕᑕᑎᕈᑎ


ᑕᑕᑎᒐᒃᓴᑦ

ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᐅᔪᓐᓇᖅᑐᖅ
ᐱᕐᓇᑎ ᑏᓐ bdean@kivalliqinuit.ca 867-645-5746
ᐊᔅᓕ ᐊᐅᐸᓗᒃᑐᖅ-ᐳᕐᑐᓐ
aaupaluktuq-burton@kivalliqinuit.ca 867-645-5726

ᐊᑭᖃᙱᑦᑐᖅ ᐅᖃᓗᒡᕕᒋᔪᓐᓇᖅᑕᐃᑦ- 1-800-220-6581
ᑭᓯᒥ ᐊᖏᖅᑕᐅᔪᑦ ᖃᓄᐃᓕᐅᕈᑎᒃᓴᑦ ᑐᓴᖅᑎᑕᐅᓂᐊᖅᑐᑦ ᕿᒥᕐᕈᔭᐅᖅᑳᕐᓗᑎᒃ.